搜尋此網誌

2012年3月18日星期日

不吐不快

看近日梁、唐、何的電視辯論,越來越覺得不知所謂,不吐不快!唐的僭建物大到不能遮掩,是最大的hard evidence,卻竟然心存僥倖,對著七百萬人講大話說什麼有膀頭有腰骨,又什麼一力承擔,結果是太太一力承擔,現在再在電視辯論中爆晌口,現在又話一力承擔,好想問佢承擔什麼?先不講實情是什麼,但為一己私利而不擇手段,毀壞制度,試問香港人還能夠信任他嗎?

在電視上批評梁「乜都唔關你事,西九又唔關你事,黑金....」西九張form為何塡錯,我不知,不可批評,但黑金單嘢,件事都幾乎水落石出,係班新界鄉紳搞出來,他們都各自出來道出事實,當然了,去到㾾署落口供,便不是講玩,再亂嗡便是俾假口供,犯刑事的,班鄉紳唔會幫唐幫到犯法都肯吧!事實已經好淸楚,黑金真的不關梁的事,卻仍然硬說關人事!

唐亂扯都算喇!但泛民班人的角色是什麼?幫拖?何俊仁說:「那黑人物坐得入去,跟你們吃飯,點會唔關你事?」真係好挾硬來,有人入去同鄉紳打個招呼,傾兩句就走,都關人事?咁都得!泛民一向代表的公義去了那裏,即使你不值小圏子選舉,也不應幫忙扭曲事情,即都是跟唐一樣,為求達到目的,不擇手段,真教人對泛民失望!

究竟唐爆的事件的真相又如何?我的睇法是,有無講是一件事,但即使有,同一句說話,佢點講法?,在什麼情況下講?沒有全面資料,我們如何得知全部事實呢?例如我講:「你好嘢!」,可能意思真係話你好犀利,你好嘢。又可能好像黑社會恐嚇語氣:「你好嘢!」又可能是質疑地問:「你好嘢?」所以,我認為唐最好拿錄音出來做証據囉!否則好難服眾!

仲有,如果挾著公眾利益迫令公開行會當日有關的資料,唔該將行會的所有會議內容電視直播,全港都想知佢地開會講乜!

15 則留言:

  1. 點解唐唐唔公開埋梁同佢上大陸見阿爺應承過d乜, 阿爺話唔俾邊個參選之類, 我地都好想聽下...

    回覆刪除
  2. 最離譜係果位梁性律師已經變身成為真正的政客而忘記了法律原則, 原來公眾利益係高於合約精神, 咁似共產黨風格!!

    回覆刪除
    回覆
    1. 仲有,而加係梁告唐誹謗,唐應該拿出証據証明無誹謗,而唔係梁去提出証明,律師都唔識普通法

      刪除
  3. 這隻唐豬越做越戇居, 竟然為了一場辯論, 可以視原則、協議、法律、道德如無物。這場辯論之後, 他那裡還有機會, 他的團隊是靠害嗎?

    回覆刪除
    回覆
    1. 因為已經明知要輸, 所以可以用一齊死既方法去做事, 結果佢係成功拉低左梁民望.

      刪除
    2. 除了唐視原則和法律如無物,仲有泛民,唔知幾時䦕始,普通法演變成被人筮告者要証明筮告者言論屬實

      刪除
    3. 如果唐豬不犯這個戇居大錯, 這次流選的機會很大。

      刪除
  4. 關乎公眾利益咁大件事,有腰骨o既佢九年前就好爆出來啦.

    回覆刪除
    回覆
    1. 佢嘅利益行先,然後先輪到公眾利益,咁多年都係咁

      刪除
  5. 要知道唐英年的說話是否信得過,最好唐英年先公䦕屋企地牢是否如他說是雜物房?看看他是否有誠信。這也是公眾利益

    回覆刪除
  6. 我覺得最好笑都是, 昨天還大大聲鬧唐英年沒誠信那班人,忽然今天又全都信他說的話,全都是今日的我打倒昨日的我, 太可笑~~

    回覆刪除
  7. 佢用個人人格壓注,但由僭建至用黑金抺黑對手,佢人格已經破產。

    回覆刪除

請留回應!