近日完成加密貨幣新書，腦袋變得空白，好想寫，但一對著電腦便空白一片，惟有是寫少少自己的想法，不作深入分析了。一直好想講貨源歸邊的市場究竟升市可以去到幾盡和怎麼炒？講到貨源歸，我諗比特幣是最好的例子，供應受到限制，只要有好消息便單邊升市，2017年一年之內可以由1000美元升至20,000美元，升幅2100%，那麼，當市場撤資缺水之時，就如現在美元升，亞洲股市、黃金、油，價格全都下跌，比特幣也不例外，價格跌幅約62%，比特幣現報約7600美元一枚。
香港的樓市亦是貨源歸邊，看回上次幅圖，一二手成交萎縮，成交量只是2003/04水平，但價格指數不斷創歷史新高，上篇文章已經指出辣招和金管局逆周期措施壓抑成交，只要一兩個破頂成交已經可以成為市場指標，再加上新盤同時控制出售單位，價格只升不跌的假象很容易便可製造出來，我認為樓市一日有辣招，成交壓抑，樓市只有繼續升，問題係公屋三房都賣到九百萬港元，即是買家有約五球現金，老實說，我有五球現金便一定去外國買屋有前後花園，甚至拿百五萬full pay移民加拿大Winnipeg兼買前後花園的大屋，使鬼住公屋，咁咩人用五球現金去買香港的公屋？實在匪夷所思！貨源歸邊可以點玩就點玩。不過，同比特幣一樣，市場撤資缺水就想托都難。
(圖一):
(圖二):
同感, 五球野首期買四百呎私樓一樣啦! 合埋眼求其買D 野, 收下息每月都萬幾蚊, 生活上好多選擇.
回覆刪除同埋, 現在個種叫做"業主惜售, 賣左買唔番", 大把人咁講, 貨源歸邊,, 小弟卻係另一邊.
我都係
刪除