搜尋此網誌

2013年8月7日星期三

好恐怖的民主戰鬥士

前線警員長期被不公義對待,我在之前blog文巳經指出是很大問題,星期日家長聯會搞一個支持警隊嚴正執法,竟然被黑衣人圍,有市民想去簽名支持,卻被黑衣人阻攔,而且所有支持者都被粗口問侯,這些市民都感到恐慌,只在facebook短暫留言便隨即柵掉,這......就是泛民口中的民主、言論自由,為何只是一個簽名會,會被那麼多黑衣人圍?這些黑衣人似黑社會在曬馬多D!!!!!

為何警員不可以支持一個「支持警隊嚴正執法」的簽名會?然後泛民的傳媒加強打壓警員,強說這是政治事件,請問警監會,你如何界定這是政治事件?有政治團體在場就是政治事件?

以下是一些網民的看法,也是在下的想法:

Ken:
我原本都唔想講啦,但係星期日旺角衝突事件,原本係一個簽名會或者發表一些言論嘅集會。但最終發展到雙方衝突罵戰,事件源自反對簽名會的團體的人(係百幾、二百人)主動到簽名會團體位置作出挑釁及破壞引致,而挑釁嘅人不少都是年青人,但係有無傳媒講呢啲人唔啱,係無嘅。而傳媒只係聚焦報導稍後引發嘅衝突及個別人受到襲擊嘅事件。我都覺得出手打人係唔啱,係違反法例,應該被拉。我亦深信當日係有不少雙方身體推撞甚至打人事件發生,呢幾宗因為牽涉記者所以才報導出來。但係香港所有人有無認真咁諗,若果當日無人主動衝擊對方,會不會發展成雙方衝突及打人事件呢?呢啲唔容許別人表達意見並用粗暴行為來阻止係唔係啱呢?希望大家細心諗諗,若果大家繼續容許呢種情況發展落去,街頭衝突甚至騷亂自會越來越多,香港最終玩完。

Yt:
林慧思真正身份:

其實由頭到尾都係一場早有預謀的煽亂行動,呢位林慧思根本就唔係什麼買完餸路經此地而路見不平,因家住將軍澳而現場附近均冇餸賣。

客觀背景資料:
1. 呢位林慧思本身就係“調理農務蘭花系”成員。
2. 呢個組織就係宣揚以暴易暴去對付不同政見者。
3. 在佢地網上電台節目中早以公然表達會針對愛港力量、愛港之聲、沉默之聲及青年關愛協會出現的場合作挑釁行動! (可見證在低俗頻道-現代豪俠傳 2013-06-13 b節) ................


Yu:
有可能系有預謀地向青年人灌輸”挑戰警察=正義=英雄,為未來招兵買馬!


我的看法,問題不是老師的一句粗口那麼簡單,家長的擔心,是老師“調理農務蘭花系”黨員的身份,把黨的文化滲透入校園!!!!跟文革製造紅衛兵有乜分別?


請看片,我相信這些人幫你爭取到的民主,肯定跟菲律賓、埃及差不多,經常搞群眾上街鬥晒馬,人多聲大夾惡是民主!!! 埃及咁嘅政治環境,好快成為菲律賓咁嘅經濟環境,恭喜你!



















9 則留言:

  1. 原來林慧思是「調理農務蘭花系」的成員, 那麼當日「調理農務蘭花系」去撐場, 事情的發展, 也就不足為怪。
    香港的傳媒對政治事件難得公正, 難怪周融在<>也說:「Shame on you,香港傳媒。」
    http://lifestyle.etnet.com.hk/column/index.php/internationalaffairs/robertchowyung/19175

    回覆刪除
    回覆
    1. 事實上,我第一次看條youtube片,第一個感覺是有預備的錄影,而且部機應該是高清大機,不是手楂機,也不是手機,完全沒有手震,而且應該是老師帶人去影,因為曾經聽到她說「我的學生看著你的」,警員說:「你自己影緊,唔好咁樣」something like that, 後來市民鬧爆,才推出另外一條所謂前傳, 呢條片多處經過剪接,根本剪到冇晒時間性的邏輯,因此我由一開始都唔信她是路過咁簡單,現在才有更多真相証明我的看法

      刪除
    2. 由於這次片中的是非黑白比較明顯又不太長, 加上牽動到家長關懷子女的愛心而用心去看, 因此越來越多人看到他們的真面目。

      刪除
  2. 監警會一開始就定性簽名會是政治事件,唔使審實係警隊唔啱,有政治團體在場就是政治事件,咁都得,佢地專登到場政治化事件,咁仲有天理?嗰個乜鬼教師,點解一開始就閙人公安?唔使証據,鬧下鬧下巿民當真,以後要搵黑社會保護都得囉!呢D就係佢地嘅方向

    回覆刪除
  3. 算吧啦
    前幾日同個friend吹水,他突然話他另一個朋友,80年代都無想過移民,但而家竟然開始有呢個念頭
    我驚覺,原來香港有呢個念頭的人,遠不止我一個(因為我跟他之前從來沒透露過)
    當然我“移民”好簡單,就系在珠三角揾份station工,但同之前星期五返來唔同,而系非必要weekend都唔返來香港算數

    回覆刪除
    回覆
    1. 事實上,我有幾個朋友住上海,住上幾年已經話唔想再住香港

      刪除
  4. 雷鼎鳴教授最近有一篇分析 (http://lifestyle.etnet.com.hk/column/index.php/internationalaffairs/francislui/19395), 寫得很好。
    一部分政客和傳媒, 在香港已經製造了不少紅衞兵, 其中不乏知識份子。

    回覆刪除
    回覆
    1. 你明白現在香港有幾恐佈未?人人掛個名叫自己做民主就可以黑變白,上週才剛剛講完佢地班人行為似黑社會,立即找班黑社會來支持梁振英,黐埋去D差人就話你地一齊執法,香港真的有言論自由嗎?他們的勢力真的很龐大,真的是得不到佢地要的亂,誓不罷休,呢班扮民主真係越來越恐佈

      刪除

請留回應!