搜尋此網誌

2011年12月18日星期日

2011年樓市總結

2011年快將完結,亂博來個樓市分析總結。2011年1月25日筆者在「2011年樓市升市關鍵是什麼?」一文中預測2011年上半年可升10-15%,下半年在美國加息預期下,熱錢會流走,樓價有機會回調,當時預測全年升幅為10%。

2011年1月中原城市CCL指數為90.05,2011年6月升至100.72見頂,升幅為10.7%,並反覆回落,直至2011年12月16日最新公佈的CCL指數為97.1,由高位回落3.6%,但比較年頭1月仍然上升7% (見下圖)。















雖然美國通脹沒有預期般大幅上升,但走資卻如期出現,在金管局四次加按息下,樓價自6月開始緩緩下跌。

總的而言,筆者的預測雖不至全中,但方向正確,預測上升幅度也不差得太遠,就如小豬兄的金句:「正確的方向上犯錯還是正確,錯誤的方向上無錯還是錯誤。」亂博加多句:「錯誤的方向上犯錯是錯到飛起!」相信比起一些星級大師預測的CCL可在100點之上,再上升至140點水平,升幅達40%,亂博總算合格吧!哈!哈!不是亂嗡!

9 則留言:

  1. "錯誤的方向上犯錯是錯到飛起"

    好句, 哈哈.

    回覆刪除
  2. 咁請明年樓市預測又點呢? 我留意開既樓盤, 比高位回左5%以上, 10%以下, 離08年價仲有20-30%, 我估可能會回到08時個頂位(即唔低過08)。有人話與其估樓價跌到幾時先到底, 不計數最實際, 即只要你層樓每月收租扣埋雜費, 夠支付每月銀行供款, 就幾時都應該買樓, 我就係計過差少少,所以現時唔係適時候. 其實以租金支付供款,都係一個假設前題, 就係層樓一定可以租出去, 係响最近幾年或許可成立, 但曾幾何時,"租霸"令業主聞之心寒(我當年出租每月都要打電話追租金, 好彩都有收到, 最後租客自動話冇租交, 自己走, 都交清欠租), 當經濟差時,相信"租霸"又再現, 當間屋租唔出(或收唔到租), 條數又唔係咁計, 要抬錢去供樓, 或蝕錢沽左層樓。

    回覆刪除
  3. 小豬:很欣賞你的金句


    股壇不死鳥:多謝回應!

    回覆刪除
  4. Foon, 2012的樓市預測遲些有文章詳述,買物業投資要量力而為,用租金補貼供樓我認為是可行,只要有準備利息上升時租金不能完全支付供款,樓價下跌可能得不償失,要有坐艇的準備,最近一名的士司機因為投資多間商場鋪,但價沒有上升,又租不出,結果獨力供鋪,日捱夜捱至心臟病死,為乜?

    回覆刪除
  5. 期待你的2012預測
    我都有留意到嗰則新聞, 令人心酸。唔知佢作投資前有冇做到相關的功課及壓力測試, 正如08時我都有想過買樓(只係想, 冇做), 但之前一直冇對呢方面作了解, 故都只係玩返我熟悉既股票,至少我知持有手上股票最大的風險為何? 如何應對,但當時對樓市, 特別加按認為風險好大,唔好話去做, 去認識都費事. 如當年將手上股票價值(2,30萬), 去買層當時一百萬左右樓, 依家至少升左六七成. 依家股票值都跌左唔少, 又冇去買樓, 兩頭蝕。話說回來, 依家對樓市及其運作了解多左, 特別風險管理, 即使錯左呢次機會, 等多兩年, 保留實力,下次一定要把握。

    回覆刪除
  6. Foon:對的!投資要做功課,買股買都一樣,但投資股票錯了,銀碼細,可以重新出發,當交學費,最繄要不重犯錯誤,我自己就開始有回報,反正將來老了,自己還是要懂得管理自己的退休錢,唔好好似班美國退休戰後嬰兒,啲退休錢俾人呃晒,我個人認為買香港樓經常大上大落,無論是自住或投資,心態都是當如投資比較好,另外由於樓槓杆大,學費貴,先要學識睇巿才進場是對的,錢賺小啲無所為,最重要唔好周身債

    回覆刪除

請留回應!