搜尋此網誌

2020年8月30日星期日

無聊政治






近日跟一些海外朋友google meet, 其中兩個住在美國,話題當然扯到十一月總統選舉,問他們兩人會選誰,結果令人意外,竟然兩個都話選「侵侵」,雖然現時美國民調顯示拜登領先很多,但結果可能令人意外的,因為氣氛令真正民意無法表達,就如上一屆爆冷。


幾年前看過一套韓國電影「北韓諜戰」,其中劇情講到南韓執政黨與北韓秘密合作,每次南韓大選前席,北韓都會試射導彈,以製造外部敵人來鞏固內部權力,通過製造危機以圖影響總統大選。劇情是否有點似曾相識?


侵侵不斷大打中國威脅牌,說如果拜登當選,美國將被中國統治,是否很似台灣的「亡國論」?早兩日便發生中美擦槍未走火的衝突,事源針對美軍兩架偵察機先後飛入禁區後,中國從青海和浙江等地向南海發射了4枚中程彈道導彈。至於中國是否真的不想侵侵當選?筆者覺得...可能中國很想侵侵當選才是。


看着台灣選舉的「亡國論」,為何選國民黨便必定沒有未來?為何只有選民進黨才有未來?


看過一份美國選舉前報告,一些人受不了選舉帶來的負面爭議而感到受壓,從而得到「voting stress」,其實無論選哪一個,選舉之後生活都是一樣,但人與人之間分爭多了。






8 則留言:

  1. 亂搏與你的海外朋友知道總統選舉是計選舉人票嗎? 即係話如果你身處嘅州份已差唔多注定係邊個黨的話,個人投甚麼或鍾意邊個都毫不影響,只係個人自己甘唔甘心而已。

    上次選舉希拉蕊比特朗普更多出三百萬選民票,但依然落選;

    經濟已經唔好,凡事都要睇開啲。

    回覆刪除
    回覆
    1. 咁都要出嚟投票,否則便會輕易將總統權力送給對家,如果全部唔使選那就另當別論

      刪除
  2. 之前和朋友討論講開,我認為中國係想Trump胜出的,結果佢地以為我傻左LOL

    回覆刪除
  3. 2016已經俾歐美傳媒昆左一次,估唔到啲人依家仲係繼續信

    回覆刪除
  4. 雖然樹立敵人,可以團結內部已經是老身常談,但唔係次次都適用。

    中國鄉民都聰明左,而家年齡層係當年高舉毛時代的熱血青年,全部被社會洗禮而不再腦衝愛國(特別係試過內地一放就收,用完即棄,上次翻牆出征就係咁)。

    新的年齡層又講求個人主義,加上知識日漸開放(翻牆),內地肯定唔似以前90%都係小粉紅,必然有下降趨勢。

    歷史亦教訓我們,人民切身困苦(生物邏輯層)有時會高於亡國的民族主義(價值層)。俄國十月革命引致亡國是一例。

    純粹想用新思維延伸討論,凡事唔一定係必然。

    回覆刪除
    回覆
    1. 多謝討論,現實係大部份人都是情緒化和短視

      刪除

請留回應!