今日又唔知幾多人出來遊行，近日人人出文估王維基死因，我又試下估！
事實上，筆者也很想講下現時傳媒的生態。有很多人認為今次王維基不獲發免費電視牌照，是因為政府要收窄言論自由空間，事實上看過NOW TV 和 Cable 的人都知, 這兩個台對梁振英都並不友善，而且現時香港電台、商台、明報、信報都係鬧政府鬧飛起，蘋果日報更擺明是反政府報紙，真係睇唔到係收窄言論自由作理由。
以局外人身分去看整個媒體生態，可能你會更加體會真正理由。今次發牌三揀二，㨂了NOW 和 Cable，都是以製作資訊節目為主，只有HKTV是擺明車馬跟無綫鬥拍劇集，又搶演員又搶導演，那麼政府怕HKTV會鬥死無綫？言則HKTV一定贏的嗎？誰勝誰負還是未知之素。
根本上現在媒體廣告係正在收縮，網上媒體廣告正在擴張，你看Google 和 Facebook業績就知。現時人們看電視的習慣已經改變，很多人晚間的娛樂都不是看電視，而是約埋幾個朋友上Skype一齊打Game, 亦有一些人看YouTube， 上網看劇集，電視媒體競爭肯定比2009年（當初諗住發牌時）激烈。
競爭激烈又會點呢？你看電台、報紙媒體就知道，以前電台DJ播歌掠水的，現在又YouTube 又iTune, 搶晒生意，結果自己揾生存空間，就係反政府有市場，港台又係，越來越少人睇，擺正牌反政府，為人民發聲，市民就會企出來幫佢地撐，否則都應該比人cut了,電台係咁，報紙都係咁，免費報紙出現之後，收費報紙的廣告收入明顯被搶，競爭激烈之下，明報作為收費報紙競爭力較弱，結果又是反政府有市場，變成肥佬黎第二。
個個唔掂就走向民粹，以民意作擋箭牌！王維基是鬥唔死無線的，但很多例子已經顯示惡性競爭只會把媒體推向極端，電台報紙已經如是，如果連免費電視都如此，但免費電視滲透率很高，變成了洗腦機器，哈！政府自己就真係捉蟲，既然橫死掂死，他殺總好過自殺卦!
沒有留言:
發佈留言
請留回應！