上週港大民調總監Dr. Jones，在民調了十幾年才第一次公開原始數據，説讓大家學術討論，然後我在上週亦提出我個人的看法，我必須承認這只是一般in general的看法 ，也是一般市民的觀感，然後，很受歡迎的政治網媒，大發高手本色，計一大堆數出來，指出那個平均值，其實是用「加權平均數」計出來，然後就鬧其他唔同意見的人是小學雞。（這些人就是爭取民主的人，不禁令人質疑，這些人爭取的是什麼民主？）
當然，你可以是統計學phD ，計好多數出來，證明梁振英的支持度是非常之低，那是沒問題的，
不過我只想問：
1）你班人計數計到咁勁，但這是否就是Dr. Jones的計算方法？
恆生指數都有條formula拿出來，如果你跟著那條formula, 就會計出相同的加權指數。現在Dr. Jones只是提供了一個數值，至於點計，就由全世界自己各自發揮！
2）如果真係用「加權平均數」，咁個「加權平均數」是如何計算的？是用總人口來加權，定還是用登記選民人口來加權？喂！don't forget, 你條問題是問, 如果明天選特首。。。喎！
3）做民調的時候，究竟答問題的人是否知道，50分是代表無立場呢？以我從問卷看，問卷只說，評分50分是一半半，以我自己的理解，就是等同我在之前文章我對CY的看法，就是OK啦，叫做有做嘢，不過佢D施政成效如何，還是有待觀察，我咁諗，唔代表我冇立場喎！
4）事實上，上次網友從數據中看出的，反而是立法會的兩派形勢，有人俾錢搞這些特首評分民調，Dr. Jones 公開的數據，卻竟然反影了另一些東西，建制派唔使一分一毫就得到一些重要數據，which is definitely not what the funding entity wants to see!
哈！乜原來我咁勁架？
回覆刪除不過我覺得民建聯同工聯會擁有的數據比我A level程度stat能觀察到的東西多得多，否則無可能配票配得咁成功，只不過平時唔聲唔聲而已。有人話台灣國民黨同民進黨一直有秘密民調數據庫，選舉前對結果已有比傳媒民調準確得多的估計，我唔信資源充足的建仔會無。
反而白鴿同公文袋就只係一廂情願相信親泛民輿論和自己崇高的理念會理所當然得到絕大多數的支持。人力同社民連可以這樣做因為他們走niche market路線；但你走溫和路線就不能自以為是然後怨人唔投你！
至於什麼「加權計算」，其實根本使乜搞到咁複雜，你38%俾0-49分既人裏面咁多人俾0分，咁即使62%人俾50分以上，整體都會被大幅拉低！平均47分幾係一個好合理結果！搞咁多大龍鳳又加權又乜無非係想避開一個事實：原來佢地只係佔社會一成人！（除非鍾庭耀造假啦！不過鍾sir年年七一數人數有晒formula有晒錄影帶，但數親都大幅少過民陣既數字，佢地都會攻擊鍾sir架啦哈哈！）
昨日經濟日報石sir和雷博士以中立的角度去看事情，不過我唔認同石Sir話俾0分有成10%人，意見也不能忽略，甘我想問，你係咪都俾0分，而他現在的確有依民意解決問題，甘都0分，做得差D咪冇分俾？柤反，你係咪都俾100分，再做好D你可以點加分？呢D仲唔係偏激？
刪除根本上，呢D人唔係俾緊分
刪除