搜尋此網誌

2012年1月4日星期三

唔止樓市食穀種

昨日經濟日報的唐榮樓論專欄一篇文章以「食足半年穀種後」為題比喻地產代理的慘況,股票市場又何妨不是交投淡靜?昨天恆生指數上升443點,但成交金額只得326億,簡直是乾升!假期前就說是放假氣氛濃,放完假回來,一天的成交仍然不達平時半天成交,全日成交少於500億已經持續了半個月,而全日成交少於700億亦已持續了一個多月(見圖一)。


圖一: 恆生指數成交金額






筆者一直都說OT令資金徹出亞洲,所指的只是外來熱錢,然而熱錢潮退,剩餘可見本地股票投資資金竟然是少得可憐,這樣下去,股票經紀也要跟地產經紀一樣要吃穀種了!

筆者抓爆頭皮也不明白,本地的投資股票錢去了那兒?看看以下圖二,大慨估到去了那兒。


圖二: 銀行港元貸存比率與恆生指數


紅色線:  恆生指數
藍色線: 銀行港元貸存比率

從圖中所見,2004年至今,銀行港元貸存比率大部分時間都是與恆生指數反向而行,只是2009年美國印銀紙短暫扭曲了趨勢。圖中所見,港元貸存比率越低,恆生指數越高,相反亦然。貸存比率低即存款多、借貸少,貸存比率高即代表借貸多,存款少,11月分港元貸存比率由10月底的84.7上升至11月分的85.5%,上升原因是貸款上升得比存款快。而之前港元貸存比率上升主要原因是存款減少,借貸上升所致。

恆生指數上升跟港元存款上升有關係也是可以理解的,例如太太團的私己錢用來買股票。如今是貸款上升,而銀行貸款最多是樓按,那可能顯示本地股票投資資金去了買樓!這個結論就很可怕了,為何?下篇再談!

後記:本篇文章引發了一些討論,亂博認為小豬和Foon的觀點都很好,令我知道有些地方寫得不夠清楚,這些解釋對筆者的觀點都很重要,故在此貼出。

小豬:以我所知, 近期貸款大多係去左公司貸款(入大陸果隻).

亂博:金管局的Loan Deposit Ratio 分開兩部分,一個是港元存貸比,另一個是存貸比總額,這個數當中就包括了銀行借去海外(包括大陸)用途,平均由50幾%,上升至60幾%,已反影了小豬你所講借去大陸機構,而港元存貸比主要反影本地信貸巿場。而最重要係想知啲人嘅 deposit 唔放銀行、唔買股票,去咗邊?Deposit 縮咗,喺股票巿場熱錢退潮後,我地應該見倒嘅係本地投資,依加股市每天成交額只得三百億,股巿成交咁少即都唔喺股票巿場,咁去咗邊?會否是他們不再信任股票而係去咗買磚頭?

Foon: 但係二手樓市成交量都勁跌喎, 唔通去哂買新樓?

亂博:但樓市上升唔系只在這一年來才發生,而係呢三年都在發生,啲錢去咗買樓唔係一朝一夕的事,而是幾年來一直滾存嘅事情,潮漲就乜都睇唔到,以為股票巿場大把錢,潮退你就見到錢唔喺股票巿場。

12 則留言:

  1. 以我所知, 近期貸款大多係去左公司貸款(入大陸果隻).

    回覆刪除
  2. 小豬:金管局的Loan Deposit Ratio 分開兩部分,一個是港元存貸比,另一個是存貸比總額,這個數當中就包括了銀行借去海外(包括大陸)用途,平均又50幾%,上升至60幾,已反影了小豬你所講借去大陸機構,而港元存貸比主要反影本地信貸巿場。而且我唔係想知銀行將啲錢借咗去邊?我係想知啲人嘅 deposit 唔放銀行、唔買股票,去咗邊?Deposit 縮咗,喺股票巿場熱錢退潮後,我地應該見倒嘅係本地投資,依加股市每天成交額只得三百億,股巿成交咁少即都唔喺股票巿場,咁去咗邊?會否是他們不再信任股票而係去咗買磚頭?

    回覆刪除
  3. 但係二手樓市成交量都勁跌喎, 唔通去哂買新樓?

    回覆刪除
  4. Foon:但樓市上升唔系只在這一年來才發生,而係呢三年都在發生,啲錢去咗買樓唔係一朝一夕的事,而是幾年來一直滾存嘅事情,潮漲就乜都睇唔到,以為股票巿場大把錢,潮退你就見到錢唔喺股票巿場,你點睇?

    回覆刪除
  5. 現在的股票市場超蠱惑,以前大陸開點半,香港開二點半,便在點半做低大陸股,二點半裂口低開。

    現在和大陸的開市時間一樣。一樣係裂口,輪到早上開裂口。

    現在的股票市場像老千局。大戶睇住散戶來食。

    以前用開的長線投資,一樣不易,現在的指數和2009年中差不多。且有不少股票遠低於2009年中。即大部份長線投資者都賺不到錢。

    在這樣的環境下,資金離開股票是正常的。

    近來去海通證券,真的海死寂一樣。

    回覆刪除
  6. 亂博: 港幣少左, 有冇諗過轉左人民幣或送左入大陸存人民幣, 呢點似乎較合理, 因為身邊起碼已經有不少人開始咁做.

    資產除左股同樓, 其實仲有債, 外匯, 貴金屬等, 好難話唔買股就會係買樓.

    回覆刪除
  7. 股壇不死鳥:潮退便嚴重缺水,我最擔心係股市長遠都缺水,而唔係短期現象

    回覆刪除
  8. 小豬:這些都有可能,但HK dollar loan deposit ratio自2009年7月一直在升,其中除了deposit下跌,loan也有上升!之前講過HK dollar loan deposit ratio裡的loan是不包括借錢出海外。HK dollar loan上升跟樓市很有關係

    回覆刪除
  9. 如果存款在流失,能借出的錢豈不是更少?

    股市及樓市過去的興旺,都和易借錢有關。

    回覆刪除
  10. 股壇不死鳥:對!股市及樓市過去的興旺,都和易借錢有關。熱錢撤出是會負面影响股市樓市,但今個浪有點不同的是金融海嘯後很多人不再信股票、基金等投資,加上持續歷史性低息,他們都將錢投資在樓呀鋪呀!試想以前投資股票的本地資金都去買樓買鋪,而且唔升又唔跌,講差一点是長線被綁,即股票市場成交唔係短期現象....咁以前嘅高位就即係永遠唔會再出現...你話呢?

    回覆刪除
  11. 傳統智慧係, 當大家都覺得嗰樣嘢係好(或差)既時候, 個個都去做(如買磚頭)/避開(如股票, 基金等), 就係金融大鱷做嘢既時候, 就像"貨幣戰爭"提到既"剪羊毛"即當大家一致看好/差時就會發生急跌或急升。正如之前响呢度留言提到歷史會不斷重覆(政治、經濟亦然), 唔好以為今次同上次唔同搵好多理由去支持一直向好(或向差)的看法,當然最後都會"猜"對(即升或跌)但可能係過左好耐之後既事囉; 記得响07年初時恒指升到一萬八千幾點時沈大師話會跌, 2萬1話股災,...一直睇淡到三萬點, 事實證明佢"啱", 但係升左一萬二千點後佢先"啱"返. 唔好意思, 小小離題添, 各位多多包涵。

    回覆刪除
  12. Foon:實情係07年時美國巳經爆緊煲,只是羊羣相信中國影响大於美國,原來中國故事都是吹出來!

    回覆刪除

請留回應!