搜尋此網誌

2012年7月3日星期二

差人是值得尊重的



40萬、定10萬人上街,筆者不想爭論,事實上一早巳看穿,在FB上和Blog一早都講,不要被人利用,本來反地產霸權,結果被人傳譯為反梁振英!冇講錯吧!

另外想講的,差人都是人,你有人權,他們都有,差人每天都在幫緊好多人,請你們尊重他們,他們是值得專重的!

轉貼: Cyril Choi ~
文章轉自一位剛下班的警察!

「我地每一日,都幫緊好多既人。無人尊重警察,唔緊要,但做警察

既,勿忘對自己既尊重!」

... 「一向唔多係網上發言,因為個個得把口,但今日都要用把口講一陣
,訓醒就會del 個post。
⋯⋯
先致香港警察一句成語,「欲加之罪 何患辭」,今日講完,都唔想再講,明既明,唔明既,由他吧。

今日上街衝擊你地既一班暴動人仕,生在福中不知福。

口口聲聲話無自由,封哂3 條行車條俾你地,仲要話警方故意拖慢遊行節奏!?最後自行衝擊警
察封鎖,迫使警方開放其餘3 條東行線。

其實,條路係用黎俾車行,法例無訂明維園,銅鑼灣,灣仔,中環,
西環,係香港專用示威區,或暴動區。你有遊行自由,人地就無行街自由,無訓覺自由,商戶無做生意自由,車主無駕駛自由,因為你地,知唔知影響到幾多人,你地既自由,知唔知影響左幾多人既自由?

人地支持特首,你就幾百人圍住人地,人地又無自由既?你班打住自
由口號既,根本無學識無文化,只係為左攪事!

有不滿,就整到成架警車都係垃圾,即係下次有人不滿,就可以整你
架車,整你屋企門口?

有不滿,就近距離向警察吹哨子,無人知道耳膜好薄弱?警察就刀槍
不入?如果依位警察聾左咁點!?不負責任!

有不滿,就四十萬人去衝擊幾千警察,警察以一敵百,明明俾你拉跌
鐵馬,又要話係警察推倒。

胡椒噴劑噴面又可恥。咁有需要時開槍打中個人都好可恥啦!

問心,以前槍林彈雨,走到最前線,係邊個。

家暴,黑社會,精神病人仕,舞刀弄槍,走到最前線,係邊個。

你唔見左個仔,又邊個幫你搵返。

災難現場屍橫遍野,又邊個入去為死者做身後事,或為佢地討回公道


洗黑錢,殺人放火,打劫,偷野...無數咁多罪犯,邊個將佢地成
之於法?

邊個看守你地既家園,邊個維治香港既治安,邊個打擊毒品,邊個打
擊走私,邊個打擊小偷,邊個..

有太多野,真係講唔哂,亦太多人睇唔到,太多人諗唔到。

香港看似安安全全,就無人再記得警察,但無左警察,又會唔會有安
安全全既香港。

你地覺得無需要警察幫助,其實只係警察默默地不求讚賞咁努力工作
緊。試想如果香港無哂軍裝係條街巡邏,會有幾多罪惡發生?

我知,警察都會累,就算做警察既,都有一日會覺得,不如算啦,收
份糧,打份工啫。

但唔好忘記,就算真係打份工啫,我地每一日,都幫緊好多既人。無
人尊重警察,唔緊要,但做警察既,勿忘對自己既尊重!我絕對尊重警察,亦問心無愧。」

36 則留言:

  1. 閣下有冇Pt, 先唔好講,但係閣下連標題都錯別字,文化程度可想而知.....

    回覆刪除
    回覆
    1. 先行謝過提點,巳經更正了,有錯我會認,亦會改,Thank you!來看blog的人大部份都看我講經濟、息口、資金流向分析,如果我成日錯,就不會有人來看,事實上,講這些題目亦不多人看,因讀者對我blog的興趣主要是經濟,只是我看不過眼才嗡兩句,我有冇文化,我的讀者自有思考、分析能力!吾係你話就有人信你!

      刪除
    2. 唔……
      一個人在「經濟、息口、資金流向」分析正確是否代表那人在另一個領域也有同樣的能力水平?這是邏輯謬誤「訴諸權威」。

      而閣下個blog多不多人看和閣下的能力/對錯並沒有直接關係,正如前北大教授孔慶東比閣下更多人看更多人支持,難道他水準很言嗎?這是邏輯謬誤「訴諸大眾」。

      刪除
    3. 我的意思是,來看blog主要是看我講的「經濟、息口、資金流向」分析,有數據、有道理,自然有聽眾,我有沒有文化水平,來看blog的人,根本唔care, 因為主菜是經濟分析。我沒有教授的名氣,你試下開個blog日日嗡癈話,睇下有幾多人睬你?所以分析水準高唔高,絕對跟多唔多人看有直接關係,你的例子才是謬誤。

      好肯定講句,來看blog的人不太有興趣聽我講差人的話題,但我仍然抽位轉貼,只因看不過眼。

      區區幾句同情說話,根本沒有分析,只是有感而發,沒有訴諸權威。有冇邏輯,唔係由你話事,事實擺在眼前,是對是錯,讀者自會分析!我從來沒有訴諸權威,叫自己亂搏,就是要叫讀者不要盡信我嗡乜,我好相信我的讀者有自己分析能力。

      刪除
    4. 其實呢,孔慶東既名氣就係開個blog日日嗡癈話,結果又真係好幾多人睬佢。

      不過我又真的過份認真了,正如香港人對孔慶東又真的過份認真了一樣

      刪除
    5. 咁你留番你啲廢話喺你自己個blog講,Ok?我係咪噏廢話,唔係由你一個人話,我的讀者自有評價,你係咪來封我把口?嘩!對差人支持下都要封口,你呢D人仲恐過共產黨喎!

      刪除
    6. 我只係批抨你既言論同話你錯別字,何來封你把口?我有叫你收聲,話刪除你?

      不如咁講啦,只係你唔接受批抨。
      事實上,一個人要用人數去支持自己「有水平」(而且批抨得你寫既野既就自然係你既讀者呢),係咪有D可悲呢?

      刪除
    7. 可悲嘅係你,要靠強詞奪理,封殺別人聲音,來自己認同,你唔喜歡呢個Post嗎?咁我會保留成個七月囉,等多D人睇我呢個廢Post!

      刪除
    8. 其實呢個Post唔廢,好正Tim,吸引啲扮民主嘅人,表露佢地真面目,講乜言論自由都假,板主和另外一些同情差人嘅人不斷被人攻擊,佢地就有言論自由,我地唔同意見就冇喇,See!

      刪除
    9. 亂博兄算啦,這位人兄已經嚴重被紐曲的香港傳媒所洗腦。若你在外國生活過,你就知道這班察人的忍耐力,和幾咁斯文。其他國家〔我是說西方國家〕如果係咁樣被對待的話,已經出動到防暴警察,或其他更重裝備來,維持秩序,還會囚禁那些些動手的示威人士,和他檢控。

      刪除
  2. 至於「差人都是人,你有人權,他們都有,差人每天都在幫緊好多人,請你們尊重他們,他們是值得專重的!」...

    佢「幫緊好多人」同佢「有冇打壓示威同成為政府打手」係兩回事。
    呢種講法其實係將兩件事混為一談,情況就有如有個強姦犯平時幫緊好多人都不會受人尊重一樣。

    睇怕閣下唔單止文化程度,連邏輯程度都......

    回覆刪除
    回覆
    1. 你認為你沒有自由嗎?示威真的有被打壓嗎?證據呢?事實上每年7.1都大把人出來遊行,而且都完成了,對嗎?Is this the truth? 你認為全部道路封晒俾你地行,才是正路?其他住在銅鑼灣、北角、灣仔便沒有使用道路的權利嗎?Can you provide the statistics that show a correlation between強姦犯 and 差人?

      刪除
    2. Can you show me the statistics that the police are not helping citizens everyday? 我只是講了幾句公道話, 只是轉載,亦很同情執法的差人,他們有他們的工作程序,如果有人暈左,有人放火,都要有救人和走火通道,2003年70萬人都可以上街,就算現在亦不見得你不可以上街遊行,何來打壓?你不守秩序當然會被人拉吧, 你係咪都鬧定先,思維亦打橫來,沒邏輯的應該是你!這裡只容納理性討論,如果語氣差,我是會delete的,不是這裡沒有言論自由,而是言論自由要在合情合理,互相尊重下進行,Okay?

      刪除
    3. 遊行的路愈來愈窄,示威區愈來愈遠,胡椒噴霧愈來愈強勁,記者被人帶走的次數愈來愈多,新聞自由指數排名急降廿位
      等等等等…

      「還可以上街遊行,何來打壓」,把一個程度問題看成零和關係,亦是一種邏輯謬誤。

      這個世界有很多秩序,有合理的,亦有不合理的,「不守秩序當然會被人拉」係一種十分奴性的講法。


      至於我的語氣有多差我不清楚,不過我並沒有明確指出閣下的文化程度,邏輯程度在那一個程度,反而閣下明明白白的說我沒邏輯,語氣差的是誰呢?

      刪除
    4. 我是板主,我唔喜歡除時可以刪除你,你質疑我文化情度,我唔喜歡的話,就可以刪除你,你質疑我的邏輯程度,我唔喜歡,亦可以刪除你,唔使俾理由。就如你來我家大吵大鬧,我有權伸你走一樣!

      你將差人同強姦犯拉埋來講,的確是邏輯有問題!事實上,警察每日都在維持秩序,為市民服務,如果你唔認同,希望有日你被人打劫,請不要報警,因為佢地全都係強姦犯!

      係咪要開放整個香港​你地遊行才是不被打壓?你又唔講下你地問問題的態度?點解唔講下梁振英在屯問跟市民對話時,D人用什麼態度問題,成班人圍住凶神惡煞又如何?點解你唔問下美國總統要坐Airforce One? 而唔係走入人群坐Econ Class?用破壞法紀的方式去​爭取以法治為基礎的自由民主又是否合理?誰對誰錯我冇興趣拗下去,拗至天光都未拗完。

      刪除
    5. Actually, Freedom of Press is important ... but the Press in HK is really shitty ... just like to make Bias comments and reporting some color-added noises.

      People initially say no to Tong ... now saying no to Leung ... they want to say yes to who then ??
      People saying others not respecting the core values of HK but themselves also violating the core values as breaking laws and disturbing the orders of society. Maybe the core value of HK in their eyes is violence.
      People saying it is a threat to the One country Two Systems Principle as China intervening HK ...but they also protest to intervene China (I am not saying China is perfect) ... but it seems not logical.

      Very noisy every day ... as if your girlfriend saying no no no no to your every suggestion for dinner but not giving a useful suggestion. And then she requests something not possible under current situation e.g.. going Mercury or Mars for dinner.

      Why can't people to be quiet and just think think of a solution which is most feasible with considering of current limitations ?

      刪除
    6. 又是一個拿"邏輯尚方寶劍"來斬人的"民運份子"
      罵完人又唔認, 閃閃宿宿的小學雞.

      刪除
    7. 我絕對認同「板主唔喜歡除時可以刪除你」,一開始咁講咪好,何必又語氣差又理性討論咁多藉口?

      至於「將差人同強姦犯拉埋來講」係閣下誤解左比喻個重點,正如我話某人「天下烏鴉一樣黑」就並不是「將人同烏鴉拉埋來講」,而係比喻背後個情况。

      一個人做再多好事都好,只要佢有做一D不能被接受既事,例如強姦,就不會被尊重----所以警察只要打壓自由,無論佢做過其他乜好事,都不會被尊重一樣。

      還是村上春樹講得好「在高大堅硬的牆和雞蛋之間,我永遠站在雞蛋那方。」
      閣下問左好多問題,用另一個角度講,相比政府既不公義,人民既「態度」又算甚麼?你同情梁振英,警察呢D 高牆,但係漠視人民呢D雞蛋,又是否合理?

      刪除
    8. 係咪真係民運份子?睇嚟係D要封所有同情差人的人把口,似希特勒極權份子多啲!

      刪除
    9. 如果封人口就係希特勒極權份子...咁呢到都係得一個人話要刪除人je...

      刪除
    10. 我只支持道理的一方!你要封口唔該過主,你地D扮民主的極權份子,有電台、電視、四份報紙,洗䐉式指導巿民思想都未夠?要封殺所有有自己思想的人,你地真係好恐怖

      刪除
    11. 喂!呢到等於我自己屋企,我自話自說,你唔喜歡可以唔來,但你來搞事,我刪除你,係我權利,講咩極權係我,唔通任你搞我屋企先唔係極權?又係歪理但你連我講幾句公道話,都來鬧我冇文化、冇邏輯,唔係極權係咩?

      刪除
    12. 有時我係到諗,到底閣下係直線定曲線呢。

      例如你話「差人是值得專重的」,先唔講個錯別字,「差人」本身就係唔尊重既叫法(有如叫黑人做黑鬼),尊重既話係應該叫「警察」。

      又例如你話我「封人口」,「搞你屋企」,我又有冇叫你收聲?有冇炸你個Blog?有無係咁句句老母前老母後?反而你就一開始想封我口。

      又例如你話「民主的極權份子,有電台、電視、四份報紙,洗䐉式指導巿民思想都未夠」,講真,政府邊既傳媒一定比所谓「民主的極權份子」多,到底你係批抨緊邊面呢?

      都係個句,你岩,呢到係你個BLOG,你有權做任何野,但係你開得個公開既BLOG 就有如係公衆地方演說,預左有人批抨。
      如果你既自專心係咁易受到傷害,咪關左個留言佢.....或者冩少D錯別字。

      何必扣帽子呢?有失你「經濟、息口、資金流向」分析人身份,係咪?

      刪除
    13. 究竟邊D電台、電視台、報章喺到洗䐉,有思想嘅人一早都知,全都屬於霸權分子,政府嘅傳媒係邊間?根本觀眾小得可憐,連港台佢都控制唔到,點洗你腦?至於我有冇封你口,我既然有權刪除你,一早已經可以做,但到現在都無做,我有冇封你把口?有目共睹,我扣帽子,定係你?我寫了錯別字,你提出來,我亦有更改,點講我唔接受批評?你針對我對差人嘅同情言論批評我,亦有目共睹,差人係口語化,連佢地自己都會這樣自稱,睇唔倒有咩唔尊重!

      刪除
    14. 「差人」係以前用來指印度藉的警務人員(亦有一說係「衙差」),的確係有有貶義成份,之前爽報就試過比人話用「差人」去叫「警察」。
      當然啦,好多年輕人唔知呢D典故,甚至乎有年輕警察用「黑腳」叫自己(黑腳係比差人更差既叫法)。

      如果出到聲話「有權刪除你」都唔叫「冇封你口」,咁我又做左D乜「封你口」?至於你有冇扣帽子,事實上你話我係「希特勒極權份子」,我都想知我做左D乜係「希特勒極權份子」,我殺左你全家滅你種?定係逼你入集中營?

      寫了錯別字,被提出來,亦有更改,之後打左一大段文解釋自己錯別字係唔重要.....可能呢D係你接受批評既方法掛?

      正如你講,「吾係你話就有人信你」,不如你明明白白指出係邊D電台、電視台、報章重好。

      刪除
  3. I got the same comment as you, support you!!!

    回覆刪除
  4. 其他好多人都看到、知道,只是那班掛著「自由口號」的「霸權份子」不但四處倒亂,而且對其他的「異見份子」一律「扣帽子」、「言論討伐」甚至「武力」對待,在他們的「強權」之下,要把不同的聲音都封殺,只餘下他們的聲音,便好像是全世界都站在他們的陣線上,然後再聲大大的爭取「利益」。

    回覆刪除
    回覆
    1. 哈!竟然幾句幫差講下說話,都被人鬧冇分析能力,慘!

      刪除
  5. 上面ga匿名人,被人洗左腦,點講都無用。

    幫警察講句好說話比人鬧、7.1支持梁振英ga市民比人圍,最容納唔到不同聲音的卻是呢班所謂ga "民運份子",完全無晒中立性,只可以用偏激來形容。

    我不是牚警察、也不是牚梁生,只是用眼看出事實。

    和平理性遊行我很讚成,可惜是--7.1遊行已變質,可悲。

    回覆刪除
  6. 板主,我讚!

    佢地嘅所謂民主,其實即係:你係民,我係主!順我者倡,逆我者亡!我要你封六條線,你最好同我封夠十條啦,死蠢!

    報紙,電視,亦只係會報道警察點對啲「霸權民運人士」,卻從不報道佢地做過啲乜,警察先郁手!更唔會評論佢地嘅所作所為,深怕因此會俾人斷定為傾左!既可悲,亦可恨!

    回覆刪除
    回覆
    1. 下次封晒成個香港佢地行,等D人冇得使用道路,冇得做生意,冚世界討厭佢地先安樂

      刪除
  7. The city is dying with this kind of people and media who 'hiject' the view of majority....

    All in all, it just a jesture or show to different stake holders. HK is still safe and free, dun need bloody revolution yet. If this kind of ppl want to put on this show in HK, pls choose another stage ...

    回覆刪除
  8. 我唔逐個回應了,多謝大家支持!至於邊D媟體被假民主分子控制,冇需我詳列,明眼人一看便知

    回覆刪除
  9. This is my first time go to see at here and i am genuinely pleassant to read
    everthing at single place.

    Here is my site :: coupon sites

    回覆刪除

請留回應!