搜尋此網誌

2019年9月30日星期一

暫時告別篇:雜談


很多話想說,但又沒太多時間,所以寫篇雜談,乜都講吓。

上週美國媒體傳出特朗普政府正考慮將中國在美上市的概念股從美國證券交易所除牌,又話限制美國公司在中國投資云云。唉!你估投資是施捨的嗎?投資如果是蝕的,那就迫你都唔會去,所以利益是雙方的,即係話,有沒有可能發生,大家心照。我第一個印象就是特朗普又想炒淡。但美國財政部隨後澄清,指目前並無這個計劃。不過,大家又唔好認為唔會發生,得閒拿來講吓,對投資信心都會有影響的。



上星期美國國會參眾兩院委員會通過《香港人權與民主法案》,將排期兩院全體會議審議。法案要求美國國務卿每年向國會證明香港的自治狀況,決定是否可以繼續享受美國的特別待遇,並且對威脅香港自由的人士進行制裁。



我在上一篇文章解釋了法案可影響的經濟範疇,在此不贅。法案聽起上嚟好似好大陣像,就好似以前美國每年向中國發表人權報告,有需要時報告就加大力度,無的時候又話人權狀況ok。好多人以為法案通過只有yes or no的抉擇,然而現實社會多數發生的情況是兩者之間,也即是磨來磨去,其實傷害性更大,因為你永遠在等什麼似的,但投資是要讓人看到前景,better or worse,都是一種方向,而磨來磨去等同自殘。

我以前文章講了不下十次,叫政府盡快解決房屋問題,無論天橋底建水管屋或貨櫃屋,都要盡快解決樓價過高的問題,結果他們搞個大便論搞咗一年。現在一講到收回農地發展,石禮謙即時出來講嘢,我都話啦,泛民拖後腳,建制掹貓尾,睇多啲政治就知發生咩事。

年輕人好憎無線,話佢地只影示威者打警察,於是轉台只看Viu TV,而Viu TV又真係只看到警察打示威者!無線是霸權,都只是電視台的霸權,並無其他事業,沒有地產、巴士、報紙、超級市場等壟斷衣食住行,同我上面所說的差不多,當你在埋怨樓價貴,但原來你一直在支持樓價貴!明就明喇,唔再多講!

有朋友問我,仔仔跩跩我會唔會以打來教呢?我說我不會打,因為以打作為教育,只會教導他在一句不合便動手動腳,在我而言,打人是完全不可接受,我是不會嘗試理解背後的原因,period!但我也不會縱容錯誤的行為,錯就要罰,小時候我會罰他坐,不准玩一段時間,但做啱就要奬。

不妨在教的時候多一點問問題,讓他們思考過問題才答,問題要經過大腦思考,有時犯錯也是一個學習過程,不要讓他害怕犯錯。

要講就係咁多,現時要集中精神做好Volitium 的工作了,暫停更新此網誌直至另行通知,chao!

6 則留言:

  1. 「當你在埋怨樓價貴,但原來你一直在支持樓價貴!」, 唔明既畀多一百年都唔會明, 由佢地!

    回覆刪除
    回覆
    1. 事情發展到今天,醒就已經醒了,所以唔會嘥氣了

      刪除
  2. 泛民拖後腳,建制掹貓尾,睇多啲政治就知發生咩事

    //其實取消外國PASSPORT (不容計DUAL NATIONALITY)先係解決呢班收成功人士的陰謀的其中一種比較有效的方法
    掹衫尾/做鬼的, 要Belong to this Country/City.

    回覆刪除
  3. 回覆
    1. 做分析好花時間的,圖表全是自己再做,政治亦影響經濟,但現在沒有人想聽真相,唔寫了,反正現在要集中精神做好手上的事情

      刪除

請留回應!