搜尋此網誌

2013年11月5日星期二

講心又講金

作為一個打工仔,如果有得你揀,你會揀曾蔭權定還是梁振英做你老細?

曾蔭權一上任就即時加人工,又返5日工,多年來人工加幅起碼追通脹,甚至高於通脹,任內不做不錯,什麼也沒做過,也因此沒有刺激不同既得利益者不滿而上街遊行,結果做他的下屬都少啲嘢做,每天可以無驚無險又到6點!

CY一上任就周圍揾地起樓,搞到下屬走來走去,一些地方前面長期哥爾夫球場景或開揚景,如今要起樓,當然引起很多附近居民不滿。又搞辣招阻人發達,搞到地產代理無啖好食,醫院原本擴建諗住收雙非生仔錢,零雙飛搞到醫院不滿,入境處職員要阻截孕婦衝關,零雙飛和限奶令又搞到入境處多咗嘢做。成日落區,每次一大班人示威又要大批警員到場維持秩序。CY越做得多,下屬越多嘢做,又刺激不同既得利益者不滿和反對派出來揪後腳,一年有過萬次遊行,警員做到氣咳,做CY的下屬就每天都驚濤駭浪又過6點!

以打工仔心態而言,CY做老細,下屬每日返工好像打仗,仲要人工加幅低於通脹,相比老曾,無驚無險到退休,你話打工仔跟邊個着數啲?

相信CY亦知警員辛苦,除了出言撐警隊,國務院還高調接見警隊高層,顯示中央都很體恤警隊。上司能夠表現體恤下屬當然好,不過跟你寒喧幾句,員工笑笑口心裡仍會問:「你知我辛苦就好,幾時加人工?」打工仔出來打工都只是求財,有理想服務市民都唔可以當飯食,有錢才可以改善生活,講心不講金,多勞少得,不如少勞少得好過,仲唔使孭鑊!

如果老細唔識做會點?下屬要老細滑鐵盧有好多方法,明明睇到當睇唔到, 見到你扣錯鈕都唔話你知, 樣樣側側膊,細鑊唔孭大鑊缷番俾老細。

近日入境處20名員工集體請病假,導致深圳灣口岸超過10萬人過境緩慢,出現大批旅客輪候。然後又有屋宇處員工罷工,接連有政府部門不滿而曠工,是否一種警號就來爆煲?那些經常喜歡公民抗命的遊行人仕,相信很快可以自遊行了!

5 則留言:

  1. 唸起最近屋宇署員工抗議人手不工作量大果單野, 應該係舊年處理新界僭建物單野,大量增加屋宇署人員的工作量,但此案相信在曾蔭權時期已發板,而在CY接任時推行,大概是曾突手的蘇州屎~

    回覆刪除
    回覆
    1. 不過CY真係唔識做,明知自己甘多黑鑊,就應該加多D人工,多左野做,人手冇加,梗嘈!

      刪除
  2. 本人不同意閣下的意見,如果單從短視和工作量比較, 我同意CY應該加人工於工作量多的人仕。但如果從香港居民整體利益看,曾蔭權真是什麼不做, 導至今日高樓價, 貧富差距大等等問題。
    如果用經濟學的角度看, 我覺得公務員的問題是"流動性"不足, 導至公務員與現實的勞工市場市場脫節,解決的方法是與市場接軌,工資, 福利, 工時和責任等等。但我同意這個問題不容易解決,太多記得利益者問題存在裏面。。。。

    回覆刪除
    回覆
    1. 要記住老董死因,其實唔止推罧樓價

      刪除
    2. 仲有公務員現在是跟他一起打仗的戰友,要善代他們,應比貪曾更甚才是,因為之前有比較

      刪除

請留回應!