搜尋此網誌

2012年11月2日星期五

洗腦招應對辣招和QE熱錢

刻下好似好多人關心林奮強賣樓是否以權謀私偷步賣樓,講下講下又加多條罪,點講都係扯住來揪!正正就是老董年代的翻版,踢一個下台,捧一個上台,誰擁有最多資源,誰主導傳媒。一早講過,我們這些60後見識過了!

當年又是抽著梁錦松來砌,當年的我們受著失業高企,負資產之苦,很容易便受到某些媒體的觸動而羣起圍攻,打了梁錦松下來,直到兩年多前,我從朋友口中聽到:「其實梁錦松是做實事的人,只係當時D人係甘踩佢落黎!」講真,當年他的金句:「It's the worst of time, it's also the best of time!」如果聽得進耳,應該己經得益不少!

事實上林奮強擁有20幾個物業,賣兩個做生活費,講乜以權謀私?老友!持貨10幾年先賺得一倍,其實利潤算差!好多人09年買太古城,今時今日賣都賺一倍,買鋪買工廈仲可以賺幾倍有多,有些人買鋪持貨一週都賺過千萬!

人家無收行會人工,仲簽定加入行會期內九成樓唔會賣,如果樓價真係大跌,佢都好大鑊!講到加佣賣樓,賣一手樓的發展商咪一樣甘賣法,點解唔去嘈下佢地!

那些口株筆伐的傳媒和乜X黨,麻煩唔好成日霸住大氣電波當大部份市民聲音,每日自我洗腦,去真正聽下市民心聲,以上觀點都是由各討論區而來,林奮強有很多支持者的,他為社會做的事大家有目共睹,唔該慳番啖氣!

呢D傳媒好關心林奮強有冇偷步賣樓,教市民眼紅人家賺千萬,卻莫不關心BSD和SSD對市場的影響,相對金管局每日以港元換草紙,林奮強事件更是小事一樁!

PS: 大家都係分析員,我一定撐他!他是一個出色的分析員,請大家多留言支持他!請讓傳媒聽到我們的聲音!

10 則留言:

  1. 某啲傳媒唯恐天下不亂,香港越亂,就係佢地的目的。

    回覆刪除
    回覆
    1. 冇大新聞,自己製造新聞谷銷路!

      刪除
    2. 呢班傳媒成日講歪理,仲要搬出言論自由/民主/香港的核心價值作為護航,講到尾,都係為咗佢地自己的利益。睇到厭,聽到煩。

      刪除
    3. 電台日閙夜鬧都話冇言論自由?唐英年違反行會規定、DBC違反法庭禁制令,呢D破壞香港核心價值行為就冇人理!香港幾時變咗未審先判,疑點不是歸於被告,佢都話7月已經放售,幾個月後先賣得出,有乜咁奇?先定罪,然後叫人自己証明冇犯過佢地講嘅嘢,呢D係咩核心價值?

      刪除
  2. 政府施政好多攔路狗, 真係唔知咩心態.

    回覆刪除
    回覆
    1. 阻住香港向前行,最受惠的是地產!

      刪除
  3. 好啊!搞冧香港等佢班發瘟食穀種

    回覆刪除
  4. 林先生近年大力主張香港不應故步自封,應大力發展基建,把握造大個餅的機遇,令香港從過去十年的迷失中恢復活力,他有理有據,比現時香港傳媒水平高不知多少,故可能令一些想阻住香港發展之人士不滿,要拉他下馬,希望他能堅持下去,繼續為香港發聲。

    回覆刪除
  5. 他最大的罪行是幫梁振英政府,反梁振英的傳媒自然千方百計,找出任何可以打擊的理由(無論真假)和行動。

    回覆刪除

請留回應!