搜尋此網誌

2011年11月14日星期一

歐債是亞洲金融危機的翻版

根據「明鏡周刋」報導,德國已擬定臨時應變計畫,以防希臘退出歐羅區。

明鏡報導,德國總理默克爾考慮希臘新政府可能拒絕執行嚴厲緊縮措施,寧願不換取歐洲聯盟(EU)及國際貨幣基金組識(IMF)新一輪紓困貸款。

德國財政部專家已設想3種可能出現的局面,最好的情況是希臘退出歐羅區,但沒有致致獸重後果。雖然可能出現短期的混亂,但長期歐羅區反而會更加牢固。

較惡劣的局面是,希臘退出後,西班牙及意大利再度在國際金融市場上成為狙擊目標,融資成本上升,歐羅區須出手相救,歐洲金融穩定基金(EFSF)須進一步擴大。

最惡劣的局面是,希臘退出後,希臘採用舊貨幣德拉克馬(drachma),但貨幣大幅貶值,希臘借貸信用度再次下跌,銀行難以從國際資本市場融資,不少企業破產,失業嚴重。希臘經濟可能數十年難以從惡性循環中解脫,還將其他脆弱的國家拖入深淵。


看來,德國已作好準備,將希臘踢出歐元區?如沒有記錯,加入歐元區是經過好幾年多次公投才能成事,歐羅是得到大部份人民支持的,也不是一時忽動的產物!而踢走其中成員又是否需要同樣過程?在現階段就不得而知,但踢走希臘,西班牙、葡萄牙等國家人民又會有何想法?會否認為自己將是下一個被踢出歐元區?筆者仍然相信要歐羅解體並不容易,起碼不會是自行決定解體!但在極大狙擊壓力下,又真的好難講!

市場上有一些極之悲觀的觀點,在此不贅。筆者仍然認為歐債危機其實是亞洲金融危機的翻版,事情的背景並不假,但勢是可以造出來。

舉個例,早兩天曾蔭權誓言港元不會脫鈎,什至講吓都會被「兜巴升」!對的,在現階段港元的確沒有脫鈎的理由,是完全沒可能發生,炒家可能只是做些OTM的long put。但當明年的經濟增長率下跌、失業率上升、財政盈餘大幅下降,資金流走,財政儲備大幅縮水,脫鈎的理由便排山倒海地多,那就由完全沒可能變成有些可能。當以上情況持績,可能性便越大,那些狙擊的資金如同滾雪球,當整個市場越來越偏向單邊看淡,發生的可能性便越大,那就是我所指「造勢」了!

同樣地,現階段歐盟很團結,EFSF仍然有錢救歐豬,歐元未是解散的時侯,但當所有歐豬的債同時到期,EFSF顧此失彼,歐元解散的可信性便非常之高了,這時侯將會是歐債危機連續劇的高潮,因為整個市場單邊看淡,捱得過,又或有炒家損手,這股炒潮才會退下來!

歐盟可以做的就是努力向市場推銷自已的劇情,可信程度要高,因此未來半年至一年,歐豬惟有努力削減財赤才有機會捱過危機。

15 則留言:

  1. 如果歐債越演越烈, 香港息口穩步上升吧?!

    回覆刪除
  2. 預期之內啦!問題係有幾多人係低息上車而被挾,如果加上失業率高,令更多人不滿,那場景就正正是他們想見到的

    回覆刪除
  3. 咁樓價會唔會下調呢? 定係因為大印銀紙令樓價再上升呢? 我等緊樓價跌, 儲緊錢.

    回覆刪除
  4. Foon:儲緊錢?努力吧!未來兩年會是你的機會!歐洲努力削赤,全世界經濟都唔會好,再大印銀紙只會有滯脹,結果都係要大幅加息,雖然樓價跌咗,但經濟環境唔好,借錢都唔易,最重要係份工夠穩

    回覆刪除
  5. 多謝回覆, 咁我依家持有d股票(帳面算打平), 係唔係分段走左佢?
    持現金或買黃金, 兩年後再同佢死過?

    回覆刪除
  6. Foon:是的,分階段走吧,揸現金等買樓吧!其實如果歐洲衰退,歐洲或會QE,到畤美元都會升,未必需要買黃金

    回覆刪除
  7. 亂博最近忙於搬屋,會回覆得比較遲,敬請原諒!

    回覆刪除
  8. 請問你認為呢位交易員講既你同意嗎?

    http://www.youtube.com/watch?v=TdYzQvnM1aY&feature=player_embedded#!

    回覆刪除
  9. Goldman Sachs rules the world.這句說話已經有問題,事實上,2008年金融海嘯一役,若沒有政府救他們,他也不會坐享道,失菐了三年吧,第二,若沒有政府泵水,他們也沒有彈藥炒賣歐羅,他們的政府做了這兩件事,害了全世界!再講,他們的treasury bonds跟現在歐豬啲bonds一樣圾垃,只是未炒到佢地,我認為歐洲是有問題,但問題是被炒賣擴大了,另外,歐豬是2008年金融海嘯所害,經濟大幅收縮,債務負擔比率因而上升,就如香港人平息買樓一樣,人工不變,負債比率五成當然冇問題,若果經濟不境,人工減了,負僓比率便不止五成了,若再被人放上賭枱上,賭你有幾大機會還唔倒錢,這變成借貸人的指標,若賠率顯示你五五波還唔倒錢,銀行恐慌要加你息,先肯續借,由二厘五加至八厘,那你的負債比率便更大,還倒錢的機會更微,賭友鸁面又大了,再加上賭友上電視唱下,連借錢俾你買樓的親戚都來叫你還錢先,仲死多幾錢,這就是我所說「勢是造出來」!

    回覆刪除
  10. 亂兄認為黎緊一兩年最恐慌既時侯就係港人相信港幣有機會與美元脫勾既時侯?

    回覆刪除
  11. 我不知何時會發生,我只是認為香港有這樣的條件被人炒而已,只要我們保持信念,便未必會發生

    回覆刪除
  12. 多謝, 獲益良多。
    大家討論咁熱烈, 想將個人case同各位分享, 望各位指教下:
    今年五六月間, 曾有個想法, 就係假定樓價己見頂(即唔會再升),將會回落(唔知幾時同回幾多), 想用股市對沖方法(睇跌沽空),將手上層樓向銀行加按(嗰陣仲可做h+, 都仲幾低下), 估值2.60m, 按七成套現1.82m, 還欠款, 約有1.60m, 分25年還2.25%, 即月付約8千元(利息3,800), 將1.6m存入銀行, 等樓價跌(唔知幾),到時買入另一單位, 全付(以當時1.6m-己付每月供款(x), 唔夠用手上股票或現金付,總之新購樓不做按揭;或可能唔使補錢, 仲有剩都唔定,視新購大於或小於1.6m-x ), 作收租用。當時銀行的同學都傾得差唔多要做, 臨要提交文件前,再諗一諗, 都係放棄。原因:1. 我唔知樓價幾時跌, 但每個月要付3800或更多利息。2. 如估錯左樓價再升, 我可以選擇提早還清貸款, 當冇事發生過, 但付左既3800 x n月的利息當係賭本輸左。3.有錢响手, 會手痕, 攞去買股, 輸左就死梗。都係安安份份, 等多兩年, 供清樓再算(我預計2013樓價應會低過現時)。請問對於我的case, 大有何高見? (註: 我只欠政府首買約8萬左右,2%, 故這小數目利息沒有計算在內, 求簡單計大數而己). 多謝

    回覆刪除
  13. 加按等跌,你真的要懂得投資,否則輸了就無法買第二層樓了,錢幾時都可以賺,有多餘錢玩下無妨,借錢來玩就必定有風險,首要就是想未必會嬴

    回覆刪除
  14. 哈, 你係"潤"我,冇啦, 最後都係冇做到。多多睇你文章, 學下嘢。其實我响2009年底睇蘇民峰(冇錯係睇相嗰個)訪問,佢一直有買鋪, 睇相先至係佢副業, 當時佢話樓市三至五年一個循環, 估計2013開始下趺, 2015係低位, 佢當年都己經停止再買鋪。當然依家睇返,仲有一年升, 但亦都唔可以話佢錯, 學所講, 錢幾時都可以賺, 要量力而為。我都係啱啱開始學緊房地產投資, 睇下人哋文章, 歷史不斷重覆發生(黃毓民成日咁講), 經濟亦然, 唔好以為呢次錯過左就追唔到, 機會永遠有, 視乎你實力(資本)及EQ(要忍得手,唔好手痕).

    回覆刪除

請留回應!