搜尋此網誌

2013年10月14日星期一

沈默大多數出聲的原因

真係邊個出聲邊個死,在網上見到以下這幅圖:




 這幅圖究竟咩意思?想我地沈默大多數的中間派死晒?定係當我地全部係死嘅?

雷博士說話中立,以理服人,也竟然變成中晒箭的箭豬,哈!我真係無法相信這些把口說自己代表民主的人,行為卻另一回事,叫人點相信你地爭取既民主唔係菲律賓式民主?

其實雷博士無講錯,你地佔中,對商戶做成損失,人家是真金白銀拿出來交租的,如果真是為他人著想,就應賠償商戶租金損失,要返工的人無法返工,被逼攞無薪假期,也應按日得到賠償!這是負責任的行為,唔係話有民主就唔使開飯的,呢啲有情飲水飽的謊言,只有學生才會相信!

那些話要不惜一切爭取民主的人,你可以保證將香港推倒重來,重新來過的香港,真的會比現在好?我認為 比現差都大有可能,我看轉差的機會更大!如果無法百分百向我們保證,你幹麼搞咁多痕野?

我亦曾經聽過一些朋友說,有些人認為要將香港經濟推倒重來,他們才有機會向上流,哈!現在互聯網發達,好多人都靠在網上做生意、搞youtube片、搞呢搞路揾錢,有料的就點都上到位,如果你係廢的、冇料的,推倒整個香港經濟,你都無法上位,上位的仍然是一些比你聰明的人,你無儲蓄,樓市跌100%你都係無法買樓,推倒重來只是一個藉口讓一些有心人揾位入的!!!

話晒「幫港出聲」都係因我呢類人而衍生出來,雖然現在有他們代為出聲,還是要出文加多句!!反對派成日話我地呢D中間派淨係識反對佔領中環,又唔提方案,老友,聽住喇!

「我地沈默大多數的中間派想話你地知,你地可以去佔領淺水灣沙灘,果到夠大又有公廁,又有得沖涼,又可以容納幾十萬人,任你鐘意佔領幾耐都得!!!! 如果唔夠幾十萬人的話,你可以佔領維園!!仲有,冤有頭債有主,你地去塞很住西環都無人阻你 .............................................
但係你地搞乜痕野都咪很搞到我地!!!你很搞倒我地,就梗係要出聲啦!!!」




沒有留言:

發佈留言

請留回應!