搜尋此網誌

2012年5月14日星期一

歐洲的政治風險威脅歐元

去年當股市大炒歐債概念,令恆生指數插至16000點時,筆者曾經出文指出歐債「無料」,最主要考慮是歐洲人其實是希望統一,另一個考慮是債其實並不是什麼大不了,筆者的老爸是做生意,亦曾見過他處理客戶的債務問題,他曾說過阿邊個欠帳,清他盤便血本無歸,最後解決方法是write off一部分,另一部分是定下協議以折扣入股該公司,未來生意跟我們買貨來慢慢回撥,長命債,長命還。其實解決債務方案還有很多,例如希債的Haircut方案等等,所以筆者不會放債務在眼內。

但筆者看漏了人性「怕捱」和政治因素,就希臘為例,早前的議會選舉中,反對經濟緊縮計劃的左翼黨派Syriza獲得超過16%的選票,一躍成為第二大黨。至上周六,獲組閣權的三個政黨均無法成功籌組政府。如果希臘總統帕普利亞與三大黨領導人磋商亦告失敗,下月將再次舉行選舉。普遍預計,再次選舉,Syriza將會勝出。而該黨領導人齊普拉斯說將廢除經濟緊縮計劃。

歐盟似乎已作最壞打算,讓希臘脫離歐元。希臘一但脫離歐元,便很大機會宣佈破產,問題是破產後,大印銀紙是否就可改變希臘財困?大印銀紙後果定必銀紙貶值和超級通脹,那等同提高個人稅,政府不緊縮開支,換來是人民要緊縮開支,有分別嗎?政府給人民的幅利不減,但實際面值還剩幾多? 人性「怕捱」無得救!

很多人小看現時的風險,以為希臘只是一個小國,即使希臘脫離歐元區,也不太大影響,但我們要關注的是那股拒絕緊縮的風氣正在歐洲蔓延。在5月9日的法國總統選舉中,承諾減少緊縮的社會黨奧朗德獲票最多而當選總統。

人性「怕捱」,拒絕緊縮風潮將造成極大的政治風險,而緊縮政策只推行了一年,更惶論緊縮政策要維持三、四年,那怕之前承諾緊縮政策的領就,一個一個的倒台,換上的都是拒絕緊縮的新政府,歐元的命運真是很難估計了!

因此筆者要改變之前的看法,現時情況不太樂觀,股市已漸見反影這股風險,惟樓市仍然充斥著樂觀的言論,說最差也只是金融海嘯的情況,但願如此!不過,一隻國際儲備貨幣倒台的風險又怎可比較?

臉書網友有句很語重心長的說話,筆者想在此套用:「許多人不斷犯錯誤的原因就是:覺得事後表示歉意比事前抵禦誘惑容易些」對!人性就是這樣!

17 則留言:

  1. 係唔係歐洲人矜貴d,大家仲記當年亞洲金融風暴時南韓d人民捐金俾國家既新聞面嗎?

    回覆刪除
  2. 有冇人分析過如果歐豬一個個賴債脫離歐盟的世界是甚麼模樣?

    回覆刪除
  3. 其實並沒有那麼恐怖, 國家破產也不是甚麼新鮮事, eu拆檔在發euro時已一早注定, 最緊要其實係liquidity, 雷曼倒掉後我想各國已有經驗處理經驗,大不了國有化銀行, 亂極一定冇雷曼時咁亂, 當其時interbank毫無信任可言, 信貨市場全線凍結, 依家未出事, d央行已出手保, 有事就印鈔還錢....

    回覆刪除
    回覆
    1. 問題一定不會一下子來,只會拖下拖下,就像一個臘像人,一點點溶化,liquidity問題可能會拖得幾年,印鈔要印幾耐?你冇見我寫終極一跌?因為我不信會是很快的衝擊

      刪除
    2. liquidity係冇得拖, 經濟復甦就有得拖, 但盛衰本身就是循環, 所以好平常.
      至於印鈔, 其實除咗強國真係傻更更直接隊出街, 歐美嘅"印鈔"方法絕大部份鎖係個金融體系度冇出到街, 原因就係要係要保證個system嘅有流動性, 只要國民信心唔會崩潰, 總有復甦一天

      刪除
    3. 我所指liquidity拖下拖下的意思是,信心危機一日存在,拆息升了上去不易下降,97年拆息升上3百厘都不是長期停留在這個水平,都是下胮了又再上升,上上落落持續一年,國有化銀行,,可以國有化幾多間?

      刪除
    4. 亞洲金融危機第一個崩潰的泰幣,拆息上上落落拖了三年,泰幣才崩潰,一隻貨幣倒台不是短時間內發生

      刪除
    5. 拆息升跌同流動性凍結係兩回事, 拆息大部份時間係反映資金成本, 中間計埋風險因素, 當年抽上3百厘唔係因為本地銀行冇流動性, 只係hkma突然將overnight window rate 抽高, 再傳出要求實貨交收(peg rate理論上可以咁做), 沽空者補倉才有咁嘅事發生. 依家局勢仲邊會有央挾息.至於泰幣崩潰, 我唔明咩叫崩潰, 86-96年, 美金對日元都跌咗六成幾, 咁叫唔叫美元崩潰, 貨幣市場大幅上落在當年都唔係新鮮事, 我定義崩潰係指隻貨幣消失或接近成為廢紙

      刪除
    6. 國有化銀行,,可以國有化幾多間?
      09年美國幾乎將全部主要金融機構國有化, 只要擴大fed嘅資產負債表就搞掂, 又有幾難?!

      刪除
    7. 那大家栻目以待,是否那麼容易解決,要記著,euro真如你所講跌到消失,有很多國家揸住作為儲備貨幣,我的崩潰真的只是變成蚊形,仲有,這件事只會磨下磨下的發展下去,磨多幾磨,歐洲經濟就散了,美國呢?中國呢?

      刪除
    8. 「當年抽上3百厘唔係因為本地銀行冇流動性」,兩者根本有關連,事情就是這樣,拆息升,佢地一定泵水浸低D息,信心危機一日存在,拆息上上落落必然,當中就提款的機會!

      刪除
  4. 你似乎唔太明白咩叫流動性, 09年銀行間的拆借幾乎停頓, 俾人black list 嘅銀行出幾高息都冇人肯借, 骨牌效應下成條資金鍊幾乎斷裂....
    至於經濟散, 我也說了,其實只係另一個循環開始,並不恐怖, 正如股市新高, 樓市破頂也不恐怖一樣, 唔升邊有得跌, 反之亦然. 但在史無前例嘅環球量寬政策下, 最後會點冇人估到, 估到都冇用, 因為市場目前幾乎全面以資金主導, 同實體經濟可以行相反, 理性分析不難得出極度悲觀的結論, 但資產或金融市場極少會理性發展.

    回覆刪除
    回覆
    1. 你可以話流動性緊張,拆息不升嗎?

      刪除
    2. 哈哈~拆息係受供求影响亦有其它原因例如風險同成本, 但同凍結唔同. 簡單例子, 油價大升, 但只要俾得起, 油站多多都俾你入, 但如果冇供應, 咁你出幾多都冇用, 你明白分別嗎?
      最重要係家陣拆息係由央行決定, 市場波幅好有限, 例如之前歐州央行玩1%任借, 你覺得拆息上得去邊? 你對拆息太緊張, 我估你可能混淆咗債息, 後者的確係可以利用市場氣氛抽高隊低揾食的

      刪除
    3. 事實上Libor已經升咗!有興趣就睇番英磅如何脫離歐元,索羅絲如何賺錢,要講系咁多,不會再作回應,你覺得無須恐慌,就隨便,投資向來自己負責,經濟上落當然好平常,資產價格跌了亦會升番,但是否可以返回買入價,很視乎未來經濟如何發展,和持有的是什麼資產,不可一概而論!

      刪除

請留回應!